Thursday, July 23, 2015

pukhtuna laas ki da charchal na ye ta

پښتونه لاس کښې د چرچل نهٔ ئې تهٔ
په تا د کفر څو فتوې راحٔي

چې انګرېزانو سره مل نهٔ ئې تهٔ
تا له ملا د بتکدې راحٔي

توره په لاس کښې د ايمل نهٔ ئې تهٔ
حٔکه مومن د امريکې راحٔي

نعرې په زوره د بيلتون وھي بيا
د فرنګيانو دا قانون وھي بيا

پښتونه تاکښې توريالي غواړمه
اخلو په توره په منت نهٔ اخلو

دخپل وطن پورته سيالي غواړمه
د شرمخانو شريعت نهٔ اخلو

تقسيم صفا د شېخ ملي غواړمه
مغله تاسره جنت نهٔ اخلو

پښتون دې حٔکه اندرون وھي بيا
خاص په صراط به دې زنګون وھي بيا

Wajni me khpal ror

وژنی مې خپل ورور
وژنی مې خپل ورور په ګولو دا د چا لمسون دی ؟ 
بې ګناه مې جوړ په کاله وار په شب خون دی

نوم د آزادۍ چې واخلم بيايې مې زندان لره
مال او ملک ضبطيږی رانه دا په کوم قانون دی ؟

زه ددې دنيا عدل وانصاف ته حيرانيږمه
ورک به سپين ميدان ولې رواحق د پښتون دی ؟

کله مسلمان پر مسلمان بندې تعدا کوی
نن چې داسې کيږې خو د بل په پيوستون دی

خدای د پاره وروڼو تمام قوم سره تړون وکړئ
يويو تالا کيږو دا سبب مو د بيلتون دی

لاړ شه ملنګ جانه پښتونخوا په غرو کښې واژاړه
کار دلس وشل نه دی دا کار دشل مليون دی

Che di zra puri taraly astawar

چې دې زړه پورې تړلے استوار
دا جھان دې د نيکه دے که د پلار

تهٔ خپل پلار و نيکه وګوره چې څه شول
ھسې ستا دے ھم په دوئ پسې رفتار

تل وړمبے د ورستي پل دے پرې تيريږي
کړے نه دے چا په پل باندې قرار

ھسې نه چې زه يوازې تاته وايم
راغله لاړه ستا په طور صد ھزار

دعوې مه کړه په ناحق به ئې خپل نه کړې
پردے ښھر پردے ملک پردے ديار

چې استوګنه په پردي وطن کښې کاندي
ھغه نه لري د ھيڅ واک و اختيار

که ھزار قسمه وخوري په يو کار کښې
نه کا څوک په مسافرو اعتبار

چې سبا شګفته کيږي ماښام رژي
څه اميد دے په ګلونو د ګلذار

که دې ورور که دې عزيز وي که دې يار وي
مه ئې ورور مه ئې عزيز ګڼه مه يار

چې پيدا شي ھمګي واړه فنا شي
اے رحمانه دا جھان دے دا ئې کار

Che nazar kram pa qismat au pa naseeb

چې نظر کړم په قسمت او په نصيب 
راته ھيڅ شي خپل تالاش و خپل ترتيب

مګر خود پخپله خدائ د چا طبيب شي
ګڼه نشته په جھان کښې بل طبيب

راڅرګند دے سود و زيان د رقيبانو
که خدائ نه کاندي خپل يار د چا رقيب

چې خپل يار د چا رقيب شي مثال دا دے
لکه څوک چې په وطن کښې شې غريب

چې غريب شي په وطن کښې فرق ئې نه وي
که فرسنګ ئې وي ترميانه که جريب

ما په عشق کښې ھيڅ حاصل نه کړه بې غمه
ھر چې وائي واړه ښه وائي اديب

دشمن ھم د سړي کله کله دوست شي
دوستي نه کا د رحمان سره حبيب

Monday, July 20, 2015

Laka che bya da zana na wom khabr


لکه چې بیا د ځانه، نه وم خبر
لکه چې بیا هغه کوڅه تېره شوه

ما او هغې یو بل لیدلي نه دي
کلونه وشو، زمانه تېره شوه

Blogger Tips and TricksLatest Tips And TricksBlogger Tricks